preskoči na sadržaj

Osnovna škola "Grohote" Grohote

Dječji Pričigin 2014 - priče

Težok i tuka

Autor: Dragana Đurić, 29. 3. 2014.

Opet su me poslali u none. Od svukud je garmilo i lampalo. Kad son intro, nona Rakelina je jušto butovala bijicu u peć. Zeje je žvjelto uzavrilo. Jedva son čeko da fini večera, jer gušton slušot nonu kako kod špahera provjo store gončice. Tu večer nona mi je provjala ovu o težoku i tuki koja mi je bila nojdraža.

 

 

Siromašan težok je imo somo jednu tuku. Penso je ča bi moga učinit sa njuon pa mu duojde u pamet da bi bilo nojboje da je daruje kroju.

Kad mu je doni, kroj mu reče: "Nos je šijest a somo jedna tuka, ako ti tuo znoš podilit jo ću vazijet dor a ti ćeš bit bogato nagrođen."

Težok reče: "Vi ste glova kraljevstva i fameje pa vi meritote glovu, vašoj ženi grije vrot jer je ona do vos kako i glova do vrota, ćerima grijedu krila jer će se one odat i odletit, sinima grijedu noge jer su oni stupi kraljevstva, a ono ča ostane grije meni.”

Kroju se svidi kako je težok to podili pa ga nagrodi.

Na putu za doma težok je bi kuntenat i kanto je. Susid ga pito zoč je tako dobre voje. On mu odgovori da je darovo kroju tuku i da ga je on bogato nagrodi.

Susid odnese svojih pijet tukih kroju pensajuć da će i njega bogato nagrodit.

Kroj i njemu reče: "Pijet je tukih, a nos je šijest. Ako ih ti znoš pošteno podilit bit ćeš nagrođen."

On ih ni zno podilit pa je pozvo težoka.

Težok reče: "Kroj i njegova žena i jedna tuka - tuo ste tri, dvi ćere i jedna tuka - tuo ste tri, dvo sina i jedna tuka -  tuo su tri, a ove dvi tuke ča su ostale i jo - tuo smo isto tri."

Kroj ga opet bogato nagrodi.

Težok se cili kuntenat vroti doma, a susid je osto žalostan.

Težok mu reče na tuo: "Kuo umi, njemu dvi".

 

Antonio Moškatelo,  3. razred

Mentor: Anita Blašković

OŠ Petra Hektorovića, Stari Grad




Tražilica


Napredno pretraživanje
Traži
e-Dnevnik

RASPORED SATI 2018./19.
SIGURNOST U PROMETU
Oglasna ploča
Upisi u srednju školu 2018./19.

Safetynet

Mlijeko u školama

PANOI
LINKOVI ZA IGRU I UČENJE
Kalendar
« Prosinac 2019 »
Po Ut Sr Če Pe Su Ne
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
Prikazani događaji

ZANIMLJIVOSTI
DOKUMENTI
Korisni linkovi
Brojač posjeta
Ispis statistike od 6. 4. 2011.

Ukupno: 5200534
Ovaj mjesec: 429
Ovaj tjedan: 361
Danas: 23
CMS za škole logo
Osnovna škola "Grohote" Grohote / Podkuća 28, HR-21430 Grohote - Šolta / os-grohote-solta.skole.hr / ured@os-grohote-solta.skole.hr
preskoči na navigaciju